2000

Karlakórinn StefnirKarlakórinn Stefnir hlaut titilinn Bæjarlistamaður Mosfellsbæjar árið 2000.

Karlakórinn Stefnir var stofnaður þann 15. janúar 1940. Fyrsta söngskemmtunin var að Brúarlandi í Mosfellssveit 7. febrúar það ár. Stofnfélagar voru 20, en þeim hefur nú fjölgað í rúmlega 50.

Fyrsti söngstjóri var Oddur Andrésson á Hálsi í Kjós, en síðar tóku við þeir Gunnar Sigurgeirsson, Páll Halldórsson og Birgir Halldórsson. Lárus Sveinsson tók við stjórn kórsins árið 1975 og stjórnaði honum í 25 ár, að undanskildum fjórum árum, en þá stjórnaði Helgi R. Einarsson. Lárus lést árið 2000, og síðan hefur Atli Guðlaugsson annast stjórnina.

Kórinn hefur starfað af nokkrum þrótti flest þessi ár og haft mikla breidd í verkefnavali, allt frá léttum slögurum upp í sígilda tónlist eftir Mozart, Wagner, Beethoven og Liszt.

Kórinn hefur ferðast nokkuð, bæði innanlands og utan. Við reynum að enda starfsárið með helgarferð út á land í apríl/mai, þar sem við höldum tónleika, aðalfund, og síðan skemmtun. Stefnir fór í utanlandsferð 1997 og flutti þá Sálumessu eftir Liszt í fæðingarborg tónskáldsins Búdapest, og einnig í Vínarborg.

Stefnir hefur alla tíð notið velvildar bæjaryfirvalda í Mosfellsbæ, bæði hvað varðar fjárhagslegan stuðning og aðstöðu til æfinga.Í júní árið 2000 hlaut Karlakórinn Stefnir starfsstyrk til menningarmála árið 2000, og þar með sæmdarheitið: Bæjarlistamaður Mosfellsbæjar 2000.”

Í júlí 2002 fór Stefnir til Llangollen í Wales þar sem kórinn tók þátt í árlegu kóramóti þar. Þetta var stórkoslegt ferðalag og hin besta skemmtun að sögn félaganna.