Heiðursborgari Mosfellsbæjar

Salome ÞorkelsdóttirSalome Þorkelsdóttir, heiðursborgari Mosfellsbæjar

Á hátíðarfundi bæjarstjórnar Mosfellsbæjar þann 9. ágúst 2007 var samþykkt að gera Salome Þorkelsdóttur að heiðursborgara Mosfellsbæjar.

Salome Þorkelsdóttir er fædd í Reykjavík 3. júlí 1927 og voru foreldrar hennar Þorkell Sigurðsson og Anna Þorbjörg Sigurðardóttir.

Salome Þorkelsdóttir lauk prófi frá kvennaskólanum í Reykjavík 1945.

Salome giftist þann 22. febrúar 1947 Jóel Kristni Jóelssyni, garðyrkjubónda og eignuðust þau þrjú börn, Önnu, Jóel Kristinn og Þorkel. Jóel lést í júnímánuði sl.

Starfsferill Salome Þorkelsdóttur er fjölbreytilegur  í þágu lands og þjóðar.  Hún vann ýmis skrifstofustörf á árunum 1945 – 1947 og síðan hjá Mosfellshreppi 1967 – 1979 og var aðalgjaldkeri 1972- 1979.

Salmome var kjörin í hreppsnefnd árið 1966 og sat þar til 1982. Hún var varaoddviti 1978 – 1981 og oddviti Mosfellshrepps 1981 – 1982. Salome var formaður stjórnar Tjaldanesheimilisins 1974 – 1980  og formaður samtaka sveitarfélaga í Reykjaneskjördæmi 1975 – 1979.

Árið 1979 var hún kjörin alþingismaður og sat á þingi til ársins 1995. Hún var forseti efri deildar á árunum 1983 – 1987, 2. varaforseti Efri deildar 1987 – 1988.
Salome var 1. varaforseti Sameinaðs alþingis 1988 – 1991, forseti Sameinaðs Alþingis 1991 og forseti Alþingis 1991 – 1995. Hún hefur auk þess gegnt mörgum öðrum trúnaðarstörfum.

Störf Salome Þorkelsdóttur fyrir sveitarfélagið Mosfellsbæ, sem og í þágu lands og þjóðar, skipa henni verðugan sess meðal forystu kvenna íslensks samfélags.

___________________________________________________________________________

Jón M. GuðmundssonJón M. Guðmundsson, heiðursborgari Mosfellsbæjar 2000

Bæjarstjórn samþykkti einróma á fundi sínum 30. ágúst 2000 að Jón M. Guðmundsson yrði heiðursborgari Mosfellsbæjar. Með þessum heiðri er lagt fram þakklæti sveitarfélagsins og viðurkennig á hinu mikilvæga framlagi Jóns til uppbyggingar sveitarfélagsinsm en Jón var oddviti Mosfellshrepps frá árinu 1962 til ársins 1981 á miklum umbrotatímum í sögu sveitarfélagsins og síðan var hann greppstjóri frá árinu 1984 tuk 1990.  hann hefur tekið virkan þátt í félagsstarfi innan og utan sveitarfélagsins og nafn hans verið sampfið sögu þess um áratugaskeið.

Jón M. Guðmundsson á Reykjum fæddist í Reykjavík 19. september 1920. Foreldara hans voru hjónin Ingibjörg Pétursdóttir af Svefneyjarætt f. 20. september 1892 í Svefneyjum á Breiðafirði og Guðmundur Jónsson f. 12 júní 1890 í Reykjavík, skipstjóri og útgerðarmaður. Þau festu kaup á jörðinni Reykjum í Mosfellssveit árið 1916 og fluttu þangað 1926, en þá var Jón fimm ára. Hann ólst þar upp í hópi fimm bræðra, elstur var Pétur sem varð skipstjóri, þá Jón Magnús bóndi og stjórnmálamaður, Adrés lyfjafræðingur, Sveinn garðyrkjubóndi og síðan Þórður vélfræðingur og stöðvatjóri Dælustöðvar H.R. Reykjum til margra ára.

___________________________________________________________________________

Halldór Kiljan LaxnessHalldór Kiljan Laxness, Gljúfrasteini, heiðursborgari Mosfellssveitar 1972

Nóbelsverðlaunaskáldið Halldór Laxness (1902-1998) var heiðursborgari Mosfellsbæjar1972 en hann bjó í Mosfellsbæ alla sína tíð og sótti hann efnivið í margar sögur sínar í Mosfellssveit.

Halldór Laxness er tengdur Mosfellssveit og -bæ órofa böndum. Hann ólst upp að Laxnesi í Mosfellsdal, kenndi sig alla tíð við bernskustöðvar sínar og settist að í dalnum sem fulltíða maður. Hann sá bernskuár sín í dalnum í hillingum og í nokkrum bóka sinna sækir hann efniviðinn í Mosfellssveit, einkum í Innansveitarkroniku og endurminningabókinni Í túninu heima.

Á Laxnessvefnum er gert grein fyrir tengslum Halldórs við byggðarlagið sem skipta miklu máli til að átta sig á rithöfundinum og Mosfellingnum Halldóri Laxness. Ljósmyndir úr ýmsum áttum og skrif Halldórs og annarra verða notuð til að bregða upp mynd af skáldinu og sveitinni á fyrri tíð.