Garðar og leikvellir

VÍKINGALEIKVÖLLURINN Í LEIRVOGSTUNGU

Skiphóll – Víkingaleikvöllurinn við Kvíslartungu í Leirvogstunguhverfi  - er með víkingaþema. Þar eru víkingaskip og víkingakastali sem hægt er að klifra í og ærslast. Heiti leiktækjanna á víkingavellingum eiga sér allar skírskotun í Íslendingasögur enda völlurinn í nálægð við söguslóðir. Nöfnin eru t.d. Skiphóll, Búakofi, Kolfinnsvígi, Ólafarsæti og Andríðsfley.

Leikvöllurinn er staðsettur fyrir neðan Kvíslartungu sem er neðst í hverfinu.

Hér er hægt að skoða myndir af leikvellinum

Skiphóll – Víkingaleikvöllurinn við Kvíslartungu í Leirvogstunguhverfi

__________________________________________________________________________________________________________

STEKKJARFLÖT VIÐ ÁLAFOSSKVOS

Lystigarðurinn Stekkjarflöt er leikvöllur í nálægð við Álafosskvos meðfram Varmá í Mosfellsbæ. Þar er stórt svæði með leiktækjum sem eru löguð að náttúrunni, þrautir og annað skemmtilegt að skátastíl fyrir eldri börnin. Falleg tjörn skartar mitt svæðið með skemmtilegri höfn þar sem ungir ofurhugar geta komið með litla mótorbáta og reynt fimi sína.
Fallegt fuglalíf má einnig sjá á tjörninni og má þá sjá til gamans og yndisauka fólk að gefa öndunum með unga sína brauð.

Góð aðstaða er til þess að grilla góðgæti á góðum degi og hafa margir lagt leið sína á Stekkjarflötina í "lautarferð" með gott nesti og teppi og átt ljúfan dag.

Tilvalið er að fara í gömlu góðu leikina á túninu eins og eina króna, vink-vink í pottinn, snerta þrjá hluti, Dimmalimm og hlaup'í skarðið í bland við nýja.

Í miðjum garði trónir fallegt útilistaverk "Hús tímans - hús skáldsins" eftir Magnús Tómasson. Verkið bar sigur úr býtum í verðlaunasamkeppni sem menningarmálanefnd Mosfellsbæjar efndi til árið 2000.

Heiti verksins vísar í titil á verki eftir Halldór Laxness, heiðursborgara Mosfellsbæjar. Verkið er sex metra hár turn reistur á grunnfleti, sem er merki Mosfellsbæjar. Upp af grunnfletinum rís turn úr málmi sem minnir á gotneska boga og ef horft er á verkið ofan frá er merki bæjarins greinanlegt. Inni í turninum hangir stór steinn í keðju sem nemur við sexhyrnt form sem stendur á grunnfletinum.

Fjölmennum í góða veðrinu og eigum góða fjölskyldustund saman.

Stekkjarflöt við Álafosskvos

Stekkjarflöt við Álafosskvos

Stekkjarflöt við Álafosskvos

_________________________________________________________________________________________________________

ÆVINTÝRAGARÐURINN Í ULLARNESBREKKUM

Ævintýragarðurinn sem staðsettur er í Ullarnesbrekkum er fyrir alla fjölskylduna hlaðinn spennandi leiktækjum sem skátafélagið Mosverjar settu upp. Þar er um að ræða ýmis klifur- og þrautatæki ásamt veglegum hlaupaketti sem hægt er að sveifla sér í. Einnig er klifurnet í miðjum garðinum, nálægt íþróttavellinum, sem er vinsælt meðal yngri kynslóðarinnar.

Mikil uppbygging stíga og gróðurs hefur átt sér stað og liggur malbikaður og upplýstur  aðalstígur í gegnum allan garðinn, frá íþróttasvæðinu við Varmá að Leirvogstungu, með rósatorgi í miðjunni og göngubrúm við hvorn enda. Út frá aðalstígnum liggur minni malarstígur, svonefndur ætistígur, sem liggur meðfram hinum ýmsu ætiplöntum sem plantað hefur verið meðfram honum,  m.a. fjölmörgum tegundum berjarunna. Þar geta Mosfellingar lagt leið sína að hausti til að tína ber og njóta umhverfisins.

Fræðsluskilti um Ævintýragarðinn stendur við innkomuna að garðinum að sunnanverðu frá íþróttasvæðinu við Varmá. Fræðsluskiltið sýnir verðlaunatillögu Landmótunar um skipulag Ævintýragarðsins og hvernig uppbygging er fyrirhuguð í garðinum á næstu misserum.

„Íbúar í Mosfellsbæ eru hvattir til að nýta sér þessi nýju leiktæki og skoða þær framkvæmdir sem fram hafa farið í garðinum á síðustu misserum. Tilvalið fyrir göngufólk að kynna sér nýjar leiðir og sjá Mosfellsbæ frá öðru sjónarhorni. Garðurinn mun án efa nýtast jafn ungum sem öldnum í sumar,“ segir Tómas G. Gíslason umhverfisstjóri Mosfellsbæjar.

Hér má skoða skemmtilegar myndir úr garðinum

Sjá meira um uppbyggingu á Ævintýragarðinum hér

Ævintýragarðurinn í Ullarnesbrekkum

Ævintýragarðurinn í Ullarnesbrekkum

Ævintýragarðurinn í Ullarnesbrekkum

__________________________________________________________________________________________________________
LEIKSVÆÐI VIÐ LEIKSKÓLA
I             Hlaðhamrar
II            Hlíð
III            Hulduberg
IV           Reykjakot
V            Njarðarholt

LEIKSVÆÐI VIÐ SKÓLASVÆÐI
A            Varmárskóli
B            Bólið
C            Lágafellsskóli
D           Krikaskóli
E            Leirvogstunguskóli


OPIN LEIKSVÆÐI
1            Reykjabyggð
2            Furubyggð
3            Lindarbyggð
4            Víðiteigur
5            Stóriteigur
6            Tröllateigur
7            Hagaland
8            Bæjarás
9            Stekkjarflöt – Lystigarður
10          Kvíslatunga - Víkingaleikvöllur
11          Leirvogstunga
12          Byggðarholt
13          Barrholt
14          Arnartangi
15          Brekkutangi
16          Dalatangi
17          Grundartangi
18          Bogatangi
19          Leirutangi
20          Leirutangi – boltavöllur
21          Skeljatangi
22          Bjartahlíð
23          Hulduhlíð
24          Hjallahlíð
25          Klapparhlíð
26          Klapparhlíð
27          Rituhöfði
28          Arnarhöfði
29          Hrafnshöfði
30          Spóahöfði
31          Súluhöfði
32          Svöluhöfði
33          Hamratún
34          Ullarnesbrekkum - Ævintýragarður
35          Reykjaveg - hjólabrettasvæði
Staðsetning leiksvæða og garða

Mikil uppbygging stíga og gróðurs hefur átt sér stað og liggur malbikaður og upplýstur  aðalstígur í gegnum allan garðinn, frá íþróttasvæðinu við Varmá að Leirvogstungu, með rósatorgi í miðjunni og göngubrúm við hvorn enda. Út frá aðalstígnum liggur minni malarstígur, svonefndur ætistígur, sem liggur meðfram hinum ýmsu ætiplöntum sem plantað hefur verið meðfram honum,  m.a. fjölmörgum tegundum berjarunna. Þar geta Mosfellingar lagt leið sína að hausti til að tína ber og njóta umhverfisins.

Fræðsluskilti um Ævintýragarðinn stendur við innkomuna að garðinum að sunnanverðu frá íþróttasvæðinu við Varmá. Fræðsluskiltið sýnir verðlaunatillögu Landmótunar um skipulag Ævintýragarðsins og hvernig uppbygging er fyrirhuguð í garðinum á næstu misserum.

„Íbúar í Mosfellsbæ eru hvattir til að nýta sér þessi nýju leiktæki og skoða þær framkvæmdir sem fram hafa farið í garðinum á síðustu misserum. Tilvalið fyrir göngufólk að kynna sér nýjar leiðir og sjá Mosfellsbæ frá öðru sjónarhorni. Garðurinn mun án efa nýtast jafn ungum sem öldnum í sumar,“ segir Tómas G. Gíslason umhverfisstjóri Mosfellsbæjar.

Sjá meira um uppbyggingu á Ævintýragarðinum hér