Styrkir til efnilegra ungmenna

Reglur íþrótta- og tómstundanefndar Mosfellsbæjar vegna úthlutunar til efnilegra ungmenna sem leggja stund á íþróttir, tómstundir og listir.

 

1. gr
Öll ungmenni á aldrinum 14 til 20 ára, með lögheimili í Mosfellsbæ, sem skara fram úr og hafa sýnt sérstaka hæfileika á sínu sviði geta sótt um styrk til íþrótta- og tómstundanefndar að undangenginni auglýsingu.

2. gr.
Markmið Mosfellsbæjar með styrknum er að koma til móts við þau ungmenni sem geta ekki með sama hætti og jafnaldrar þeirra unnið sumarvinnu hjá  Mosfellsbæ vegna mikils álags, skipulags eða annarra sannarlegra þátta sem tengist íþrótt þeirra, tómstundum eða listum. Þannig er það vilji bæjarins að þau geti samhliða notið sumarlauna líkt og jafnaldrar þeirra sbr ákvæði 4. gr.

Styrknum er ekki ætlað að mæta útgjöldum né er um að ræða verðlaunafé fyrir unnin eða óunnin afrek. Styrkhafa er heimilt að vera í launaðri vinnu nefndan tíma, en þá skerðist styrkurinn í hlutfalli við starfshlutfall.

3. gr
Íþrótta- og tómstundanefnd hefur eftirfarandi viðmið þegar styrkjum er úthlutað:
• Meðmæli þjálfara, kennara eða annars leiðbeinanda umsækjanda sem fylgja skulu með umsókninni. Þar skulu koma fram upplýsingar um ástundun, hæfileika, virkni og framkomu umsækjandans.
• Fram skulu koma upplýsingar frá umsækjanda hyggist hann þiggja launaða vinnu á styrktímanum. Sé um slíkt að ræða þarf að tilgreina  starfshlutfalli og hvort óskað er hlutastarfs hjá vinnuskóla bæjarins og eða Mosfellsbæ.
• Gæta skal  jafnræðis við val á styrkþegum bæði hvað varðar kynferði sem og milli listgreina og íþrótta- og tómstundagreina. Þessa jafnræðis skal gætt innbyrðis við hverja úthlutun sem og á milli ára.
• Árlega veitir Íþrótta- og tómstundanefnd styrki til 3-5 einstaklinga, breytilegt milli ára þar sem kostnaður fer eftir aldri styrkþega og hvort er um hlutfallsgreiðslur að ræða.

4. gr
Styrkurinn er greiddur sem laun frá Vinnuskóla Mosfellsbæjar. Fyrir unglinga í þeim árgöngum sem starfa í Vinnuskólanum er greitt í samræmi við samþykktan taxta hverju sinni og í jafn langan tíma og samsvarar aldri hvers og eins.  Ungmenni sem eldri eru fá greidd laun í samræmi við ungmennataxta bæjarfélagsins hverju sinni, að hámarki 2 mánuði eða í jafn langan tíma og Mosfellsbær veitir ungmennum sumarvinnu hverju sinni.

5. gr
Auglýsing um styrkveitingu skal birta fyrir lok mars ár hvert.  Í henni koma fram viðmið íþrótta- og tómstundanefndar og önnur skilyrði. Umsóknareyðublöð er unnt að nálgast á vef bæjarins, www.mos.is, og skal skila þeim á rafrænu formi. íþrótta- og tómstundanefnd svarar umsóknum hvers árs fyrir lok apríl.

6.gr.
Íbúar eða stofnanir bæjarins skulu með einhverjum hætti njóta afraksturs af verkum styrkþega þegar það á við og skal það gert í samráði við embættismenn Mosfellsbæjar.

7.gr
Styrkþegi skal útfylla sérstaka skilagrein og skila henni til íþrótta- og tómstundanefndar að afloknu styrktartímabili. Hann skal þar gera grein fyrir nýtingu tímans sem varið er í það verkefni sem styrkt er.
(Samþykkt á 532. fundi bæjarstjórnar, 24. mars, 2010)