Sumarátak fyrir ungt fólk

Reglur um ráðningar sumarstarfsfólks 2010

1. Markmið
Markmiðið með sumarátaki fyrir ungt fólk í Mosfellsbæ er að bjóða upp á sumarstörf fyrir ungmenni sem eru fædd árið 1993 eða fyrr og hafa lögheimili í bænum, að því gefnu að þau sæki um innan tilsksilins umsóknarfrests og uppfylli gefnar hæfnikröfur.

2. Umsjón og upplýsingar
Mannauðsstjóri Mosfellsbæjar hefur yfirumsjón með sumarátakinu 2010. Þjónustuver Mosfellsbæjar og mannauðsstjóri veita frekari upplýsingar í síma 525 6700 milli kl. 8:00 og 16:00.

3. Auglýsingar og umsóknarfrestur
Störfin eru auglýst þann 19. mars í Mosfellingi, á Facebook og á heimasíðu Mosfellsbæjar.
Hægt er að sækja um störfin á tímabilinu 19. mars til og með 12. apríl. Einungis er hægt að sækja um rafrænt, á heimasíðunni www.mos.is.

4. Að sækja um
Upplýsingar um auglýst störf, starfsheiti, starfssvið, hæfnikröfur, laun og vinnutímabil er að finna á www.mos.is. Þar er einnig hnappur til að sækja um sumarstarf. Hver umsækjandi sendir inn eina umsókn, en getur valið að sækja um allt að þrjú störf.
Ef umsækjendur hafa ekki aðgang að tölvu er þeim velkomið að koma í Þjónustuver Mosfellsbæjar og sækja um í tölvu sem er staðsett þar.

5. Umsóknum svarað
Mosfellsbær áskilur sér rétt til að hefja vinnu með umsóknir um leið og þær berast. Ekki verður gengið frá neinum ráðningum fyrr en eftir að umsóknarfrestur rennur út.
Þeir sem sækja um sumarstarf innan tilskilins umsóknarfrests fá svar við umsókn sinni eigi síðar en 6. maí.

6. Um breytingar
Mosfellsbær áskilur sér rétt til að breyta þessum reglum án fyrirvara. Þær reglur eru í gildi sem birtast á heimasíðu Mosfellsbæjar hverju sinni.