Hestamenn

Í Mosfellsbæ er góð aðstaða fyrir hestamenn og þar er staðsett blómleg hesthúsabyggð.  Hesthúsahverfið er á Varmárbökkum í fallegu umhverfi með sýn til fjalla og sjávar.  

Með því að smella á hlekk hér fyrir neðan má skoða kort af reiðleiðum í Mosfellsbæ.

Kort af reiðleiðum í Mosfellsbæ, stærð 1:25000 (.pdf 5mb)

Kort af reiðleiðum í Mosfellsbæ, stærð 1:10000  (.pdf 5mb)

Kort af reiðleiðum við Völuteig í Mosfellsbæ (.pdf 1mb)

Hestamannafélagið Hörður í Mosfellsbæ er næst stærsta hestamannafélag landsins með rúmlega 500 félaga.  Á vegum þess er rekið heilmikið íþróttastarf, námsskeið í reiðmennsku og öðru sem lítur að hestamennsku eru í gangi stærstan hluta ársins fyrir alla aldurshópa og á vegum félagsins eru haldin árlega 6 til 7 mót í hestaíþróttum.  Félagið hefur inniaðstöðu í Hestamiðstöðinni Hindisvík janúar - apríl þar sem haldið er uppi öflugu námskeiðahaldi fyrir börn og unglinga.

Stærstu mót félagsins eru haldin í maí og júní en upplýsingar um mótahald og aðra starfsemi félagsins er að finna á heimasíðu Harðar en veffangið okkar er www.hordur.is.  Í Herði eru nokkrir af bestu knöpum landsins og á hesthússvæðinu starfa fagmenn í tamningum, járningum og reiðkennslu, ásamt því að þar er að finna fólk sem verslar með hesta og stundar útflutning á hrossum.  Ef fólk vill fá frekari upplýsingar um félagið okkar eða eitthvað sem lítur að hestamennsku þá er hægt að senda fyrirspurnir til okkar á netfangið hordur[hja]hordur.is og við munum gera okkar besta í að liðsinna og veita upplýsingar.

Ein hestaleiga er í Mosfellsbæ: Hestaleigan að Laxnesi.