Fræðslufundur um íbúalýðræði

Mosfellsbær stóð fyrir opnum fræðslufundi um íbúalýðræði undir yfirskriftinni Íbúalýðræði – hvernig og hvers vegna? Fundurinn var haldinn þann 22. mars og er hluti af vinnu starfshóps um lýðræðismál sem undirbýr nú gerð lýðræðisstefnu Mosfellsbæjar.

Hér til hægri má skoða upptökur frá fundinum.

Starfshópurinn leggur mikið upp úr samstarfi og samráði við íbúa um gerð lýðræðisstefnu og hélt jafnframt vinnufund þar sem boðaðir voru 50 íbúa sem valdir voru af handahófi úr þjóðskrá.

Dagskrá:
20.00-20.10 Haraldur Sverrisson, bæjarstjóri og formaður starfshóps um lýðræðismál, setur fundinn.
20.10-20.40 Gunnar Helgi Kristinsson, prófessor í stjórnmálafræði Háskóla Íslands: Íbúalýðræði og annað lýðræði – Íbúalýðræði og tengsl þess við hefðbundið fulltrúalýðræði. Reynt er að skýra hvers vegna vaxandi áhugi er á íbúalýðræði en jafnframt fjallað um kosti þess og takmarkanir
20.40-21.10 Trausti Fannar Valsson, lektor í stjórnsýslurétti við lagadeild Háskóla Íslands: Íbúakosningar og aðrar aðferðir – Hvaða reglur gilda um íbúakosningar? Hvaða verkfæri eða aðferðir gætu nýst betur til eflingar íbúalýðræðis og þátttökulýðræðis?
21.10-22.00 Fyrirspurnir og umræður

Fundarstjóri var Stefán Ómar Jónsson, framkvæmdastjóri stjórnsýslusviðs Mosfellsbæjar.